ПАСТАНОВА МІНІСТЭРСТВА СТАТЫСТЫКІ І АНАЛІЗУ РЭСПУБЛІКІ БЕЛАРУСЬ
28 жніўня 2007 г. № 135
АБ ЗАЦВЯРДЖЭННІ ФОРМЫ ДЗЯРЖАЎНАЙ СТАТЫСТЫЧНАЙ
СПРАВАЗДАЧНАСЦІ 1-ПРАФТЭХ «СПРАВАЗДАЧА АБ ДЗЕЙНАСЦІ
ЎСТАНОВЫ, ЯКАЯ ЗАБЯСПЕЧВАЕ АТРЫМАННЕ ПРАФЕСІЯНАЛЬНА-
ТЭХНІЧНАЙ АДУКАЦЫІ» І ЎКАЗАННЯЎ ПА ЯЕ ЗАПАЎНЕННІ
На падставе Палажэння аб Міністэрстве статыстыкі і аналізу
Рэспублікі Беларусь, зацверджанага пастановай Савета Міністраў
Рэспублікі Беларусь ад 29 красавіка 2005 г. № 441, Міністэрства
статыстыкі і аналізу Рэспублікі Беларусь ПАСТАНАЎЛЯЕ:
1. Зацвердзіць па прадстаўленні Міністэрства адукацыі
Рэспублікі Беларусь прыкладзеныя:
1.1. форму дзяржаўнай статыстычнай справаздачнасці 1-прафтэх
«Справаздача аб дзейнасці ўстановы, якая забяспечвае атрыманне
прафесiянальна-тэхнiчнай адукацыi»* перыядычнасцю прадстаўлення
адзін раз у год і ўвесці яе ў дзеянне пачынаючы са справаздачы па
стане на 20 верасня 2007 г.;
1.2. Указанні па запаўненні формы дзяржаўнай статыстычнай
справаздачнасці 1-прафтэх «Справаздача аб дзейнасці ўстановы, якая
забяспечвае атрыманне прафесiянальна-тэхнiчнай адукацыi»* і ўвесці
іх у дзеянне пачынаючы са справаздачы па стане на 20 верасня 2007 г.
______________________________
*Не прыводзіцца.
2. Распаўсюдзiць указаную ў пункце 1 дадзенай пастановы форму
дзяржаўнай статыстычнай справаздачнасці на ўстановы, якiя
забяспечваюць атрыманне прафесiянальна-тэхнiчнай адукацыi, i iх
фiлiялы, другія ўстановы, якія рэалізуюць адукацыйныя праграмы
прафесіянальна-тэхнічнай адукацыі.
3. Прызнаць страціўшай сілу пастанову Міністэрства статыстыкі і
аналізу Рэспублікі Беларусь ад 13 чэрвеня 2005 г. № 50 «Аб
зацвярджэннi формы дзяржаўнай статыстычнай справаздачнасцi 1-прафтэх
«Справаздача аб дзейнасці ўстановы, якая забяспечвае атрыманне
прафесіянальна-тэхнічнай адукацыі», указанняў па яе запаўненню і
табліцы 2-прафтэх «Зводная справаздача аб дзейнасці ўстаноў, якія
забяспечваюць атрыманне прафесіянальна-тэхнічнай адукацыі».
Першы намеснік Міністра Г.І.Гасюк
|
